علقت دار الإفتاء المصرية على واقعة التحرش بالفتاة المنتقبة التي انتشرت على مواقع التواصل الاجتماعي، بعد أن حرصت إحدى الفتيات المنتقبات، والتي تٌدعى شروق أسامة على تصوير شاب كان يتحرش بها داخل الميكروباص، وذلك أثناء ركوبها سيارة ميكروباص من منطقة حلوان إلى التبين.
فقالت دار الإفتاء في منشور لها على صفحتها الرسمية على فيس بوك إن التحرش الجنسي حرام ومن يمارسه مريض، وإن المتحرش هو شخص تلطخ وتدنس بأوحال الشهوات بطريقة بهيمية وبلا ضابط عقلي أو إنساني.
وكانت شروق قد نشرت على صفحتها صور للشاب أثناء محاولات التحرش بها وكتبت:-
دي تقريباً أول مره أقتنع إن معندناش رجالة
ده لسه حاصل معايا حالاً
أول حاجة عملتها إني صورت عشان لما يقول معملتش أعرف أرد عليه
بس بمجرد ما زعقت وعليت صوتي لقيت الكل بيقول خلاص يا آنسة ومحدش فگر يتجدعن گدا
“خلاص ايه حضارتگو ده بيمد إيده اهي”
معلش خلاص
يعني رجاله گبار بشنبات بيقولولي أسگت لما واحد يمد إيده عليا
ده أنا أصحابي أرجل منهم
إحنا معندناش رجاله فخدي حقگ منگ ليها و #إخشوشنو
ويبقا حد يجي يقولي أصل لبسگ مستفز
تعديل:
گنت راگبه ميكروباص من حلوان للتبين
ضيفت صوره تاني تقريباً أوضح
الناس المتخلفه اللي بتقول خرجتي ليه من بيتگ
أنا گنت راجعه من درس
وحتي لو مش درس هتقدرو إزاي تحبسو البنات في البيوت عشان أنتو حيوانات مش قادرين تمسگو نفسگو عن بنات الناس
لبسي مش ضيق وشي مش شيافه شوفو حجج تبررو بيها غير دي
