شن الناشط السياسي “كريم حسين”، أدمن صفحة “أنا آسف يا ريس”، هجوماً على – حقيقة النائب البرلماني “مصطفى الجندي”، وذلك عبر تغريدة مطولة نشرها على صفحته بموقع التواصل الاجتماعي “فيسبوك”، بعد حديث صحيفة “الجارديان”، عنه بشأن علاقته برئيس الحملة الانتخابية للمرشح الأمريكي “دونالد ترامب”.
وكتب “حسين” عبر فيس بوك”:
ده أسمه مصطفي الجندي او نائب الغلابة زي ما بيحب معدين البرامج يكتبوا عنه في الفضائيات
مصطفي الجندي ده بقي ياسيدي تلميذ البرادعي الوفي اللي كان ممسكه طبقه الفلاحين يعني اية طبقة الفلاحيين؟
-يعني بيطلع طول الخمس سنين اللي فاتوا بجلابية من وكالة البلح في كل البرامج و المنديل القطن اللي بيتغسل و بيطبق ده علشان يتقال انه صوت الفلاح الغلبان المهدور حقه المجني عليه من نظام مبارك
-المهم ان مصطفي الجندي ده بقي يا سيدي مخلاش برنامج ولا قناة ولا حتي جريدة ولا حتي Mbc2 الا لما كام بيطلع عليها يعيط ويتاجر و يتكلم عن الفلاح الغلبان اللي مش لاقي ياكل اللي عايش بالعيش الحاف و المش
-ومخلاش برنامج طول الخمس سنين اللي فاتوا دول الا وطلع يشتم الرئيس مبارك فيه و يتهمه بأبشع التهم بداية من انه خاين و عميل لإمريكا لحد انه سرق فلوس الشعب و املاكهم اللي في سويسرا
-ده حتي انا سمعه بودني وشايفه بعيني من كام اسبوع علي قناة صوت الشعب وهو بيقول ان مبارك واولاده مهربين ثروات مليارات البلد في سويسرا و ان سويسرا كل يوم بتتصل كل بيه ع الموبيل و تترجاه علشان ترجعله فلوس مبارك اللي هناك وهو اللي بيكنسل عليها !
-يشاء السميع العليم ياخي سبحان الله ان الجريدة اللي نشرت خبر ال70 مليار دولار بتوع مبارك في سويسرا اللي كان هو نفسه بيتاجر و بيزايد علي مبارك بيه تقوم نفس السلاح ونفس جريدة الجارديان تكشف وتفضح المستور
-ان نائب الغلابة أبو جلبيه مقطعة عنده فيلا كبيرة في امريكا علي فدادين و بحيرات مأجرها لمين ؟ مإجرها لدونالد ترامب العدو المتطرف للمسلمين و العرب لإدارة حملته الانتخابية ب2.8 مليون دولار !
يعني نائب للغلابة طلع ملياردير و اللي بيتاجر بالوطنية طلع عميل متورط مع دونالد ترامب و اللي بيتهم مبارك أنه عنده مليارات بره طلع يملك قصور و فيلل في الخارج !
-النائب ده بقي عمل اية للفلاح الغلبان اللي بيتاجر بألامه غير انها كانت سلم وصلته لحصانة وكرسي مجلس الشعب !
عرفتوا ليه زمان قالو اوعوا تخدعكم المظاهر ولا المتاجرة بالفقراء و الغلابة ؟
