نتعرف اليوم احبائى فى مصر فايف على اجمل اطباق الحلويات الشرقية واجملها , وايضا يحبها الكبار والصغار وهى طبق البسبوسة بالقشطة والذى يعشقه الجميع .

يمكن كثير من سيدات البيت بيشتكوا ان البسبوسة اللى بيحضروها فى المنزل مش بتطون بنفس كفاءة وجمال الجاهزة , رغم ان المقادير بتكون مظبوطة زى ما بيقول الشيف فى التلفزيون .

لكن النهاردة هنعرف سر البسبوسة وايه اهم عوامل نجاحها وانها تكون لذيذة ذى اللى بتقدم فى المطاعم او عند الحلوانى .

واهم اسرار البسبوسة ان العجينة متكنش لينة او بالعكس كل ما كانت مظبوطة وغير لينة بتكون اطرى واجمل , كمان الشربات ( القطر ) لازم يكون بارد وتسقى عقب خروجها من الفرن فورا , وعدم زيادة الزبدة لانها بتخليها ناشفه , بعد ما عرفنا اسرار نجاحها , نعرف المقادير والخطوات , ولو فى اى استفسار ياريت تكتبولنا وهنرد عليكم فى اقرب فرصة .

المقادير :-

واحد ونصف كوب سميد

1 كوب لبن بودرة

4 ملاعق زبد كبيرة

1 ملعقة بكينج بودر كبيرة

علبة قشطة

3/4 كوب جوز هند

3/4 كوب سكر ناعم

واحد ونصف كوب قطر

طريقة التحضير :-

اولا نسخن الفرن تحت درجة حرارة عالية ولتكن 180 درجة , ثم نحضر وعاء عميق ونضع فيه السميد واللبن والسكر والبكينج بودر وجوز الهند ثم نقلب ونضيف الزبد ونقلب الخليط جيدا الا ان تتكون لدينا العجينة ثم نحضر الصينية وندهنها جيدا ثم نضع نصف العجينة ونفردها وبعد ذلك نقوم بوضع القشطة ونفردها على الطبقة الاولى من عجينة البسبوسة ثم نضع النصف الاخر وندخلها الفرن وبعد حوال 20 : 25 دقيقة وبعد ان يحمر وجهها نخرجها وتسقى بالقطر فورا