لكل محبى البشاميل هنتعلم اليوم طريقة تحضير مكرونة بالبشاميل والفراخ جامدة جدا طعمها جميل جدا وتقدرى تقدميها فى العزومات وهتعجب ضيوفك واصدقائك جدا من حلوتها .

ساعات كثير بنحب نعمل اطباق غير اللى اتعودنا عليها علشان كده بنعمل اطباق البشاميل المختلفة , كمان لو عندك كمية لحمة او فراخ قليلة وعايزة تستغليها فى طبق مميز يبقى تعمليها صينية بشاميل افضل واجمل .

بس النهاردة هنعمل مكرونة بالبشاميل والفراخ وده لان كثير من اصدقائنا طلبوها , وكمان هنعرف طريقة تحضير البشاميل فى البيت تابعينا .

المقادير :-

3 صدور دجاج مقطعه مكعبات صغيرة

نصف كيلو مكرونة سن الريشة (penne )

2 ملعقة زبدة + 6 ملاعق دقيق + 2 كوب لبن

200 جرام جبن موزاريلا مبشورة

ملح + فلفل + بهارات

طريقة التحضير :-

اولا نسلق المكرونة فى ماء مغلى مضاف ليها القليل من الملح ونصفيها بعد ان تنضج .

ثانيا نضع الزبد فى وعاء على نار هادئة ونضيف اليها الدقيق ونقلب حتى تشعر ان لون الدقيق اصبح ذهبى وتبدأ فى اضافة اللبن بشكل انسيابى الى ان تشعر ان القوام اصبح كريميا .

ثالثا نقوم بوضع الفراخ مع ملعقة زبدة على النار ونقلب مع اضافة الملح والبهارات الى ان يصبح لون الفراخ ذهبى .

رابعا نخلط جميع المكونات من المكرونة المسلوقة والفراخ والبشاميل فى صينية مدهونة ونساوى جميع المكونات بالصينية ونضيف على وجهها جبن الموزاريلا المبشور بحيث يغطى وجهها ونضعها داخل الفرن الى ان يصبح لونها زهبيا ويكون الجبن قد ذاب وتقدم ساخنة وبالهنا والشفا .