من هو “أحمد جبلي” الشاب الذي أشعلت وفاته مواقع التواصل الإجتماعي

تواصل نشطاء مواقع التواصل الإجتماعي منذ مساء أمس الثلاثاء الحديث عن وفاة الشاب المهندس المعماري “أحمد جبلى” ذو الـ 27 عام، الخلوق الطيب مؤسس فريق “صحابي”، رائد المساجد والتعمير”، فلم يكن يترك مجلس علم إلا طرقه، عرف بين الجميع بطيب خلقه وخصاله، فكان موته أمر متوقع فالله يختار دائماً العباد الصالحين ليقربهم منه.

أحمد جبلي توفى أثر سقوطه على رأسه فى منزله فمات فى الحال، وقد كان يعلم رحمه الله أنه سيموت شاباً، فكلما حدث زوجته بذلك، تزوج رحمه الله من مصممة الأزياء “رضوى جلال حامد” التى لم يترك يوماً دون التعبير عن حبه وعشقه لها، متخذاً فى ذلك هدى الرسول الكريم صل الله عليه وسلم حين سأل “من أحب الناس إليك” فأجاب بلا خجل “عائشة” وحين سأل ومن أحب خلق الله إليك من الرجال فأجاب “أبيها” لكي يعود الكلام عليها مرتين.

عمل جبلي الخيرى والتطوعى

أسس الجبلي فريق “صحابي” الداعى إلى نشر أخلاق الصحابة الكرام رضى الله عنهم بين الشباب، وكان يقوم بذلك وتلك الأبتسامة العذبة لا تفارق وجهه البشوش الذى وإن أطلت النظر فيه قليلاً ستجد أنه فعلاً كان يبشر بموعد قريب مع الله.

الجبلي أسس فريق “صحابي”، والمسئول عن تنظيم الدروس الدينية فى مسجد “يوسف الصحابي”، ونظم حملة لتوزيع شنط رمضان تحت عنوان “كلنا مسحراتى” دعا إلى عمل عمرات وإهدائها للأصدقاء والمحبين بإعتبار بأنها أفضل هدية يمكن أن تهدى.

مما قيل عن أحمد جبلي

أول مره اشوف مثال حي للسيره الطيبه بالشكل الواضح ده..و بالإجماع ده!!
كل يوم في 100 واحد بيموتوا..و و لا بتعرف عنهم حاجه..
ناس ماتت زي اللي بيموتوا و خلاص.. عاشوا في سكات و ماتوا في سكات..ليه أحمد مماتش زيهم من سكات؟؟
اشمعني كل الناس بتدعي لأحمد؟؟
ليه كل الناس بتتكلم عن أخلاق أحمد؟؟
و عن بشاشه أحمد؟؟
و هو مين أحمد اصلا؟؟
ليه كلنا اتهزينا؟؟
ليه قلبنا وجعنا اوي كده؟؟
في مننا و لا يعرف مين أحمد اللي الدنيا ملهاش سيره غيره. بس كميه الدعاء اللي ادعيتله أول مره اشوفها في حياتي!! فجأه الفيس بوك بيعزي و بيدعي لنفس الشخص بنفس درجه الحزن و بنفس الامل في الاجابه!!
غريبه و لازم نوقف عندهايعني شاب عمره 27 سنه…
مهندس عادي زيه زي ملايين المهندسن بس هو مش زينا..مش مثلا واحد بيعمل في مجال الدعوه فقط..
تفتكروا لحق بعمل ايه في حياته تخلي الناس مجتمعه علي الدعاء ليه و الزعل عليه؟؟
27 سنه منهم 16 سنه طفوله يعني مصفصف علي 11 سنه مشغول بيهم في دراسته..لحق يعمل ايه و امتي و ليه؟؟ده هو ده السن اللي بنشوف فيه الحياه وردي و الموت ابعد ما يكون و بنستهتر بعبادات عشان هنتوب بعدين..
صلاه و صوم و زكاه كله فيه تقصير و في ناس سيباهم خالص اصلا..
أصل لسه فاضل كتير..
احنا في عز شبابناليه احمد مكانش شايف زينا ان في وقت كتير!!
كان متصالح مع آخرته و متقبل الموت لدرجه انه متصور سيلفي عند قبره!!
القبر اللي بنخاف نسمع اسمه او نتخيل منظره راح يتصور معاه هو و مراته..
ياااااااه… ده رايحله برجله و هو عايش!!
عريس جديد الطبيعي يكون شاغل باله بحياته الجديده و تكون لاهياه.. يتصور سيلفي في باريس مش عند قبره..
كل ده حصل لأسباب..بنعرفها دلوقتي..
كل ده لحكمة إلاهيه أحمد خاف يضيع فرض المغرب يوم فرحه و مش بس صلي لا ده وقف فرحه…
بقولك وقف فرحه…
و صلي بأصحابه جماعه..
في ناس في فرحها تشرب و تسكر و تتعري و تقولك دي ليله العمر..
عرفت ليه أحمد كل الناس بتدعيله رغم انه مات خلاص!!مراته ربنا يصبرها و يقويها تقول عمره ما زعلني.كنت عايشه مع ملاك.
كان بيدلعها و مش بيخجل انه يعبر عن حبه ليها قدام كل الناس..
و ده لا يتناقض مع الدين في اي شئ.. بالعكس كان بيطبق طريقه النبي عليه الصلاه و السلام في التعامل مع زوجاته..ليه أحمد كان مستحضر الموت دايما مش شايفه بعيد زينا..؟
ليه كان بيفتكره و هو مبتسم مش خايف..؟
الابتسامه دي عند ذكر الموت مش جايه من فراغ..
ده واحد مستعد كويس للقاء ربه..
واحد نفسه يلقاه و يوريله هو عمل ايه عشانه و ساب ايه عشانه..لما تتقي الله في اهل بيتك و تعامل صحابك معامله حسنه و عدوك معامله احسن كل ده نتيجته سيل الدعاء واهداءات عمره من ناس متعاملوش معاه و صدقه جاريه و دموع حزن علي وفاه واحد معظمنا لا شافه و لا كلمه و لكن سيرته تخليك تعيط علي نفسك لاننا نحتسبه في الجنه ان شاء الله..
تعيط انا ليه مش زي أحمد و ازاي انا بعيد أوي كده!!الثواب اللي رايحله ده هو يستاهله و مش جي صدفه…
عمرات من حيث لا يدري
ثواب افطار قوافل الصائمين من جمعيه رساله..
دعاء من اللي ما يعرفوش قبل اللي يعرفه..
دعاء في بيت الله الحرام..
كل ده يستاهله لانه اعد عدته ليوم اللقاء..ادينا شوفنا ان الموت اقرب ما يكون
و شوفنا بعنينا ان اللي بيتقي الله.. ربنا بيكرمه ازاي حي و ميت..ربنا يرحمه و يغفرله و يثبته و يجازيه خير انه فوقنا من الغفله اللي احنا فيها..
بس يارب ما تكونش فوقه مؤقته ياربوفاه أحمد الجبلي حصلت كده و أحمد كان كده و الدنيا اتقلبت كده لحكمه من عند رب العالمين..ما تخافوش علي أحمد…..احمد لا خوف عليه بإذن الله..
احمد كان عارف هو بيعمل ايه و نحتسبه في الجنه ان شاء الله
احنا اللي نخاف علي نفسنا..
ملحوظه..انا ما اعرفش احمد ..عرفته من دعوات الناس بس..

جنازة أحمد جبلي

عرف أحمد جبلى بسمعته الطيبة التى اشتعلت بقدوم المحبين من كل أنحاء الجمهورية لأداء صلاة الجنازة عليه ظهر اليوم الأربعاء على الرغم من الارتفاع الشديد فى درجات الحرارة، ليتسائل من لا يعرفونه عن سر هذا الحب الشديد لهذا الشاب الصغير الضى لم يتجاوز الــ 27 عاماً، ليكون الجواب بحق “أنه قد ربح البيع يا جبلي والله أنه لقد ربح البيع”.

شيعت اليوم من مسجد “يوسف الصحابى” بالقاهرة جنازة المغفور له بإذن الله “أحمد جبلي” وصوت دموع وأفراح ومشاعر متقلبة لفراق من وصفوه بـ “عريس السماء”، وكانت فى انتظاره بمقابر العائلة والدته “مها جبلي” التى خلت ملامحها من أى ملامح سوى الحزن الذى يعتصر القلوب، فهو لم يكن لها الإبن فقط، بل كان الصديق والصاحب والرفيق والسند، فكان لا يتحدث عنها إلا ويصفها بالـ “بركة”، فقدت البركة قرت عينيها.

أحمد جبلي ووالدته “مها جبلي”

دائماً ما كان جبلي يدعو لوالدته عبر صفحاته على مواقع التواصل الإجتماعى، وحين سأله أحد أصدقائه الموجود بالحرم المكى عن أنه يرغب فى تقديم عمره له فمن يرغب فى إهدائها له، فأجاب بسرعة ومن أحب منها “أمى الحبيبة”.

أحمد ورضوى وعمر “الذى لم يرى والده”

اتسم فرح الجبلى وزوجته بالطابع الإسلامى، فلم تتخلى زوجته عن حجابها ولم يتخلى هو عن قيمه ومبادئه وصلاته، التى ترك الفرح من أجلها وأم أصحابه في صلاة المغرب يوم زفافه، فكان نعم العريس القدوة لأصحابه وللشباب فى مثل عمره القصير الذى قضاه فى العبادة والطاعة والدعوة فى سبيل الله بالحكمة والموعظة الحسنة.

أما زوجته حبيبته عشيقته كما يصفها دائماً دون خجل، فعلى الرغم من أنها فقدت قرة أعينها كما نعته، إلا أنه قد ترك لها جزءاً منه ينمو داخلها فى أيامه الأخيرة، فقد فارق “جبلي” الحياة قبل ولادة طفله الأول الذى قرر أن يسميه “عمر” بأسابيع قليلة.

قصة وفاة “جبلي” نبهت الجميع وكبرى صفحات الفيس بوك، أن الموت ليس له كبير ولا صديق، فالموت بين لحظة وضحاها، فهل عملت لها؟!. ماذا فعلت يا جبلي حتى يحبك الله هكذا؟ كيف أجمع كل هؤلاء على حبك؟

نسأل الله العلي العظيم أن يرحم هذا الشاب، ويسكنه فسيح جناته ويلحقه بحبيه وحبيبنا “محمد صل الله عليه وسلم”.

مواضيع متعلقة

زوجة أحمد جبلي تكشف بالصور السبب الحقيقي لوفاته.. تمنى الشهادة ونالها

كل ما تريد معرفته عن رضوى جلال- وحقيقة نصب أرملة الداعية أحمد الجبلي

بالفيديو: أرملة أحمد الجبلي “تزوجت وهربت إلى قطر بـ 15 مليون جنية”

وفاة أحمد الجبلي تشير الشكوك من جديد “وما علاقة رضوى جلال”