فيديو : محافظ الأسكندرية يفسر سبب تواجد زوجته في جميع الأجتماعات

اذا من حق اى مواطن اسكندرانى انة يحضر الاجتماع دةو طبعا الى هيحضر من حقة يتكلم و يناقش كمان اى مواطن من حقة انة يحضر اجتماعات محافظتة

وعمار يا اسكندرية

طيب لو قلنا ان المدام هى المحافظ حضرتك كنت هتحضر معاها برضه ولا سيادتك كنت هتكون فى عملك ده اسمه تهريج وعيب شوف مصالح الناس احسن اسكندريه عمله زى المدام بالضبط من بره هاله هاله ومن جوه يعلم الله وبدل ما المدام بضيع وقتك وققتها عايزين نشوف اسكندريه كما يقولون عروس البحر المتوسط

ويبقى السؤال .. هل يقبل محافظ الاسكندرية ان يصطحب كل موظف بالمحافظة زوجتة معة الى العمل …؟؟؟؟

اثبات على ايه ياجضرة المحافظ , عندك انت دليل على ان زوجة حضرك من المعينيين باى وظيفة في المحافظة واعتقد كمان لازم تكزن في منصب معينيسمحلها بالحضور ,هي دى الطريقة الوحيدة اللى تديها الحق في التواجد في مثل هذه الاجتماعات الخاصة بمهام الوطن واكيد بيتاخد فيها قررات على قدر من الحساسية والسرية . والا اروح انا كمان مع جوزى شغله احضر اجتماعاته ويبقى بقى حد يفتح بقة بكلمة والا يعترض … عيب عيب ان ده يحصل من رجل مسئول ربنا وضعه في منصب يحافظ فيه على القانون العام ولابد ان يكون قدوة و مثل في الأصول والصح والغلط عشان يقدر يفرضها على الاخرين . ولو سيادتك بتثق فيها وبتاخد رأيها في شغلك يبقى تروح حضرتك البيت وعلى الغدا كدة او ساعة شاى العصرية ..تحكيلها وتستشيرها زى اى زوج وزوجة .. واللى عايز يخدم بلدة بجد يخدمها كل واحد في مجال عمله ومكانه, موش في شغل جوزى . ربنا يهدى الجميع الى الصواب.

أختيارات المحافظين الجدد بلا معايير مجرد واسطات ومعارف .. ولا شوفنا ولا محافظ من الجداد بيقدم شئ جديد أو عنده خطة واضحة لأدارة المحافظة وتنمية مواردها وأصلاح حال ومعيشة أهل المحافظة .. كل اللى جاى للمحافظات ناس مالهمش أصلا فى أدارة المحافظات أو لهم رؤية واضحة أو هدف تنموى سواء على المدى القصير أو البعيد .. أسلوب أختيار محافظين بالمعرفه والوسطة والترشسحات أسلوب عقيم فاشل لا يأتى إلا بأسوء العناصر وليس أفضلها ومع الأسف نفس هذا المنهج يتبع فى أختيار الوزراء وأن كان يشوبه بعض التدقيق أو المفاضلة
ياسيادة رئيس الجمهورية أعلن عن الترشيح للوظائف القيادية بمسابقة وأمتحان مباشر تحت أشرافك لتقييم أفضل العناصر وأختيار الصالح منها والذى يفيد البلد حقيقة .. من غير المنطقى أن نظل نعمل وفق منظومة الفساد الأدارى والأخلاقى التى أسسها حسنى مبارك وشركاه من مجموعة المنتفعين والمتسلقين ومساحين الجوخ وبتوع الواسطه والمحسوبية … يفترض أن هذا العهد ومعاييره أنتهت .. لاتخسر شعبيتك بسبب سوء أختيار معاونيك ولا تخسر ثقة الناس بك حتى لا تسوء الأمور أكثر مما هى عليه الآن

انت مالك انت ماهو حلو فعلا ههههههههههه شكل مراتك علقت علية وعجابها

المحافظ حلو وعاوزين الناس الحلوة وبنحب الناس الحلوة مش المعقدة وخليك فنى زى المحافظ ومراتة وبلاش تعقيد وخليك أمريكانى واسمع الكلام ياعم المعقد وأبقى خد مراتك معاك حتى لو حتنشرلك هدومك وهدوم الأولاد وممكن تغسل المواعين لو مافيش ميه فى البيت وكمان مراتك تعزم الجيران علشان يتنشروا اسف قصدى يتصقفوا ويصقفوعلى خيبة البلد اللى بقت تكية وبلاش تكتر من كلمة موضوع الثورة دى علشان خلاص بح والعزبة أتوزعت وسلملى على سيدة القصر أنت عارف قصدى طبعا مش مرات المحافظ ولكن لما تجيب مراتك فأنت رئيس القصر ومفيش حد عاوز منك حاجة علشان مراتك جاية تخدم بدون أجر أفهم بدون أجر وأحنا عاوزين تحرر والنساء تعمل لصالح البلد ( مصر ) # تحيا مصر – تحيا مصر – تحيا مصر

هو ده الشعب المصري حطط منخيره كل حاجه _ جحا وابنه راجعين من السوق ،جحا ركب علي الحمار الناس قالت يحرام جحا معندوش رحمه، راكب هو وابنه ماشئ ، نزل وركب ابنه ، يحرام الواد معندوش رحمه راكب وابوه ماشي، نزل وماشي مع ابوه ، شوف العبط ، مش مستفدين بالحمار ، حتي لما ركب الاثنين قالوا عليهم ماعندهمش راحمههههههههههه هي الناس كده طول ماهم فاضيينننننننننننن

مافي ست تساعد جوزها لانه ده مش عمل خاص وبعدين حجه انها بتغير عليه تخبيه في علبه امال عايش السنين اللي فاتت ازااااااااي كانت ملزماااااااااااه ؟؟؟؟وبعدين خروج المراه العمل شئ وانها تقوم بمهام زوجها الوظيفيه شئ تااااااني ………….وبتهيالي ده سبب ماقلب الدنيا عليه

يبقي يطلع القرار الجمهوري بالمحافظ وزوجته واولاده علشان كله من غير اجر هذا هو الفساد بعينه كده مصر بتقسموها عزب وصريات والله العظيم الوضع ده والمحافظ برده السخيف ويقولك فيه دليل علي ده منتهي السخرية بعقولنا وانا من سوهاج لامدير ثقافة ولا ليا مصلحة غير خوفي علي وطني الي طلعنا من تمكين الاخون بقي اسر وعائلات كفاية استخفاف بعقولنا داعش شككتنا في دينا وانتم بتكفرونا بثورتين ارحمونا ارحمونا غمتونا غمتونا اذا كفر الشعب المصري بوطنيته سنلحق بالدول الساقطة ارجوكم شيلوا الحكومة المتخلفة الي بتسخر بشعبها.