اعتذرت الإعلامية ريهام سعيد، عن استكمال حلقة الليلة من برنامج “صبايا الخير” المذاع على فضائية النهار، حدادًا على أرواح شهداء رابطة الوايت نايتس الذي استشهدوا على أثر الاشتباكات الدامية التي وقعت بالأمس أمام أستاد الدفاع الجوي، وانسحبت على الهواء مباشرة.
قالت سعيد:” أنا لو كنت بدافع عن الجيش والشرطة بدافع عن الوطن، فأي دولة شرفها جيشها، والبلد من غير أمان مفيش شعب، أنا عمري ما طلبت من حد يشيل مخلفات من على رخصتي عمري ما طلبت خدمة من حد، بقف في الطوابير “.
وأوضحت سعيد أنها لم تكن ترغب في الحضور للحلقة، لأن الوقت الحالي لا يتطلب الحديث الكثير، وأنها ستقول كلام مكرر، قائلة:” في أرواح راحت وده مينفعش نستهين بيه، أطفال رايحين يتفرجوا على ماتش يموتوا ليه، وأبني زملكاوي، وتخيلت لحظة لو كان هناك امبارح وكان مات”.
ووجهت ريهام رسالة إلى الإعلاميين، بأن أي كلمة هستخرج منهم سيتحاسبوا عليها حساب شديد في الآخرة، لأننا نمر بوقت صعب، لا يجوز به زرع فتنة أو السكوت على باطل.
ربنا يرفع البلاء عن بلادنا
ياريت الانجاس انصاف الرجال الي بيشتموا في الجماهير يبقي عندهم دم
اقسم بالله العظيم حضرتك انسانة محترمة وياريت كل اعلامى عندة شوية دم يعمال نص الى عملتية
وسوف يدخل ملف قتلى ستاد القوات الجوية مع ملف مقتل شيماء وطالب كلية الهندسة ج القاهرة وطالب ك الهندسة بتاع ش عباس العقاد مدينة نصر وآخرون …
انا شايف ان كل اللي ماتوا دول كانوا انتحار جماعي يا سادة يا كرام الكل يعيش ويربي عيالة مش مهم زملكاوي ولا اهلاوي المهم خلوا بالكوا من عيالكم بدل ما ينتحروا هم كمان ..
اللعب على وتيرة الإنسانية…
مهنة يحترفها الشحاذ بجوار مسجد أو سوبر ماركت.
قد نعطي له العذر فالشحاذ قد يكون فقيراً أو محترف يبتز مشاعرنا، أما أنتِ وغيرك -إعلاميين الجهل- كثير لن تبتزوا غير مشاعر فقراء العقل.
مذيعة الجن وفك المربوط عايزة تقولي أيه ولمين…!؟
الي الاستاذه المحترمه ريهام سعيد
الاعمار بيد الله…..هل ابن ريهام سعيد سيذهب الي المباره بدون تذكره ؟ لن تسمحي بذلك.
هل تسمحي له ان يقاوم الشرطه اذا كانت تحافظ علي النظام ؟ لن تسمحي بذلك.
انتي اكثر من شاهد الانفلات في الشارع بداعي الحريه وعدم فهمها.
ادعو الله ان يحفظك انت واولادك ودورك الان نصح الاباء وخاصه الطبقه البسيطه والمتوسطه التي انتي بارعه في التواصل معها بتوصل وتوضيح معني الحريه للشباب و الاطفال والبعد عن اي اشتباكات يقوم بها ماجورين ضد الشرطه .
واشكرك. وسانتظر ردك.
لكي خالص الأحترام والتقدير أنتي إعلاميه ناجحة واللي بتعمليه سواء فمصر وزيارتك لسيناء او ففلسطين وزيارتك ليها انتي فعلا إنسانه بكل معني الكلمة وتصرفك ده بيثبت كده
صح والله يابنتى ،، ربنــا يجعله فى ميزان حسناتك