العيش التوست من انواع العيش اللذيذ والخفيف للفطار والعشاء ، وهو مميز جدا طعما حتى ان مظهره مميز على المائده الا ان الكثير من يعانى من ارتفاع ثمنة ، واليوم نقدم لكم طريقة عمل العيش التوست ونرجو ان تنال اعجابكم .
المقادير:
3 كوب دقيق
كوب ونص ماء دافىء
2 معلقه سكر
3 معالق زيت زيتون او زبده او زيت نباتى
نص معلقة كبيرة خل
معلقة ملح
2 معلقة خميرة فوريه
3 معالق حليب بودر(اختيارى بس بتدية طعم حلو)
الطريقه:
اول حاجه هاندوب الخميرة مع السكر فى نص كوب ماء دافىء
وننخل الدقيق ونضيفله الحليب البودر والملح
وبعدين نضيف المقادير على بعضها ونعجن لمدة ربع ساعة وبعدين نسيبها تخمر ساعه
بعد كدة افرديها شوية صغيرين ولفيها رول على قد القالب وادهنى القالب زينت وحطيها فيه.
نسبها تخمر تانى جوة القالب هتاخد حوالى ساعة ونص لغاية ما تعلى .
شغلى الفرن على حرارة عالية وندخلة فى الرف الاوسط ونهدى الحرارة ونسيبة يستوى براحتة ولما يقرب يستوى ندهن الوش زيت علشان يلمع ولما يستوى ابداى قطعيه وطبعا لما تطلعيه غطية عشان مينشفش.