علق الإعلامي عمرو أديب على قضية “ملك الكاشف” المتحولة جنسيا والمحبوسة على ذمة إحدى القضايا، وذلك خلال برنامجه “الحكاية” المذاع على قناة “إم بي سي مصر” الفضائية.
فعرض أديب القضية قائلًا “هقولكم حكاية هي شاذة فمعلش استحملوها، من كام يوم الناس كتبت على تويتر، اسألوا فين ملك الكاشف، ملك الكاشف اختفت، وهي فتاة مصرية كانت راجل واتحولت لسيدة، أنا الموضوع ده لا أفهم فيه، ولا أدين شخص كان راجل وبقى ست أو العكس”.
وتابع أديب قائلًا “يبدو أن ملك الكاشف لها بعض الأنشطة التحريضية فتم القبض عليها، فكان السؤال المهم ندخلها سجن الرجالة ولا سجن الستات، جريدة الوطن جايبة أستاذ قانون جنائي، بيقول إن المشرع لم يواجه حتى الآن مشكلة الجنس الثالث من المتحولين جنسيًا، وأن التعامل مع ملك الكاشف سيكون أنها ذكر”.
وأكمل أديب تساؤلاته قائلًا “طب لو المحكمة تعاملت معاها ذكر، هدخلها سجن الرجالة إزاي، ولو العكس هتدخل سجن الستات إزاي، وإن كان ليا رأي ملك تدخل سجن الستات لأنها ست، رغم إن البطاقة مكتوب فيها ذكر، وأنا رايي لو اتسجنت متدخلش سجن الرجالة”.
وأضاف أديب “هي مسجونة احتياطي محطوطة في زنزانة لوحدها، لأنه لا يعلموا أين يضعوها بالتحديد، وخبرها موجود في كل الصحافة العالمية، وأنا رأيي أفرجوا عنها لأنها هتعمل مشاكل كتير، مش دفاع عنها، بس هنقعد نحتار نعملها زنزانة لوحدها ولا إيه”.
شاهد الفيديو…