هاجم المستشار مرتضى منصور، رئيس نادي الزمالك والمرشح المحتمل للانتخابات الرئاسية المصرية، خالد علي، المحامي الحقوقي والمرشح للانتخابات الرئاسية.
فشن منصور هجومه خلال حواره ببرنامج “هنا القاهرة” المذاع على قناة “القاهرة والناس” قائلًا “ده بيشتغل ايه خالد علي ده، محامي! عمري ما شفته في محكمة، بيروح مجلس الدولة عشان يعمل للشعب حركات، هو كان شغال جرسون في جامعة الدول العربية”.
وتابع منصور “هو من قرية اسمها ميت يعيش مركز ميت غمر دقهلية، نفسي أسأله راح كام مرة قريته زارها، وعمل ايه في بلده، ده راجل بياخد فلوس عشان يشتم الجيش والقضاء والبرلمان”.
وأكمل منصور : طلب مني 100 مليون جنيه عشان يتنازل عن قضية مدينتي، وده أنا قولته في المحكمة علنًا أمام القاضي، ولعن الله الراشي والمرتشي، وعمر دي ما كانت سكتي.
وأضاف منصور : خالد علي نازل الانتخابات عشان ياخد له قرشين تمويل من بره، وعشان يصفي حساباته مع الدولة ومؤسساتها، وهو أصلا معندوش برنامج، أنا مش هجيب رئيس جمهورية ممول وخدام للبرادعي، عايز رئيس جمهورية شبعان وراضي، كل القضايا الشمال هو معاها.
شاهد الفيديو..