أكد العميد أحمد سليمان، المرشح المحتمل لرئاسة نادي الزمالك، والتي من المقرر أن يتم إجرائها في شهر نوفمبر المقبل، أن المستشار مرتضي منصور رئيس نادي الزمالك يهدر المال العام للنادي، مشيرا إلى أن المستشار مرتضي منصور قام بدفع نصف قيمة الشرط الجزائي في عقد البرتغالي أوجوستو إيناسيو المدير الفني السابق للفريق.
وأضاف المرشح المحتمل لرئاسة نادي الزمالك، خلال صفحته الرسمية على موقع التواصل الاجتماعي الفيس بوك، قد أكد عده مرات أنه يمتلك أوراقا تجعله يتفادى الشرط الجزائي في عقد البرتغالي أوجوستو إيناسيو المدير الفني السابق للفريق.
اقرا أيضا :
حيث كتب العميد أحمد سليمان، على صفحته الرسمية :
علشان تعرفوا احنا قدمنا استقالتنا ليه؟، نزول المدرب إيناسيو من مكتب رئيس الزمالك مساء أمس ومعه مليون و140 ألف جنيه “كاش” في شنطة قيمة شهر ونصف الشهر من الشرط الجزائي لعقده مع الزمالك يثير استفزاز وغيرة كل من ينتمي لنادي الزمالك.
هو مش رئيس النادي طلع وقال أنا معلم ومعايا مستند يخلي إيناسيو ميحصلش على شرط جزائي ومحضرله ملف كامل للاتحاد الدولي علشان أحنا اللي ناخد الشرط الجزائي .. طاب يا معلم فين كل الكلام ده .. وبعدين مين اللي خد القرار بإنهاء العقد مع إيناسيو مناصفة في الشرط الجزائي وإلا وفد السفارة البرتغالية خوفكم .. هو فين مجلس الإدارة؟؟!
المثير للدهشة والاستغراب .. هي الفلوس دي كلها جات منين .. في الوقت ده .. هو فين أمين الصندوق .. هي فين الشيكات والبنوك اللي فاتحة في الوقت ده .. وآلا الناس دي بتتعامل مع فلوس النادي على طريقة :” هاتي يا حجة مليون و140 ألف جنيه من اللي عندك” وفلوس النادي متشالة في أي غرفة من غرف العزبة.
فين الناس اللي بتراقب وبتحاسب على إهدار أموال النادي بهذا الشكل وعلى الهواء مباشرة .. مش هي دي برضوه فلوس الجمعية العمومية وإلا فلوس صاحب العزبة!!
عرفتوا أحنا قدمنا استقالتنا ليه؟ علشان كده بتشتم رموز ونجوم نادى الزمالك علشان تغطي على أحداث وتلعب باسم كبير ونجومه.
