الكثير من اصدقائنا وصديقاتنا بيحبوا يذهبوا للمطاعم لتناول الفطير المشلتت خاصة مع العسل او مع الجبن وخاصة اذا كان قديم , وكمان لو كان عندنا اقارب فى الريف بنحب نذهب هناك علشان الفطير المشلتت .

وبصراحة طعم الفطير المشلتت الفلاحى خطير وجميل وكل الاسرة بتحبه , علشان كده بنقدملكم النهاردة من مطبخ مصر فايف طريقة عمل الفطير المشلتت بالخطوات والمقادير .

هتعرفى المقادير والخطوات وتنفذيها وهيطلع معاكى فطير مشلتت رووعه , كمان هنقولك بعض اسرار نجاح الفطير المشلتت , تعالوا نعرف وبالهنا والشفا .

المقادير :-

1 كيلو دقيق

1/2 ملعقة ملح + 1/2 ملعقة بكينج بودر

كوب ماء دافئ

كوب ونصف سمن

الطريقة :-

اولا نقوم باضافة الملح والبكينج بودر على الدقيق ثم الماء , وتقومى بعجنها جيدا الى ان تتلم العجينه ولايصبح بطبق العجين اى بقايا , ملاحظة ( مهم جدا انك تعجينى كويس ) ثم ندهن سحط العجينة بالسمنة ونتركها مدة ساعتان حتى ترتاح الى ان تصبح العجينة لينة ومطاطة كاللبان , ثم نقسمها كور وناخذ كل كورة ونفردها جيدا باليد اولا ثم النشابة وبعد فرها جيدا الى ان تصبح رقيقة نضيف السمن ونطبق العجينة ونلمها فى ايدينا مرة تانى ذى الكورة ونضعها داخل صينية متوسطة ونفردها بايدينا الا ان تملأ الصينية , وندخلها فرن درجة حرارته عالية الا ان يحمر وجهها ونخرجها , وهكذا على باقى العجين , ويفضل تناولها وهى ساخنة .