كل صديقاتى اللى بيتابعونا فى مطبخ مصر فايف , بنقدملهم النهاردة طبق مميز وشهى وبنحبه كلنا , وطبق اليوم هو الحواوشى البلدى اللى تقدرى تعمليه فى بيتك بكل سهولة , وصدقونى الطعم جميل جداااا .

هنعرف المقادير وطريقة التحضير وهى سهلة وبسيطة وتقدرى تعمليها لافراد اسرتك فى وقت قليل , بالعكس انت كمان هتخليهم يحبوا اكل البيت , لان بتوفرى ليهم الاطبقا اللى موجودة بالمطاعم .

الحواوشى البلدى او المصرى وخاصة الحار بيكون طعمه وريحته رائعة ولذلك بيحبه الجميع , ايه رايكم نعرف المقادير والخطوات دلوقتى لاننا جوعنا .

مقادير الحواوشى

– 500 جرام لحم مفروم
– 1 بصلة كبيرة
– 3 فص ثوم كبير
– 1 ملعقة فلفل
– 1/2 ملعقة جوز الطيب
– 1/2 ملعقة قرفة
– 1 ملعقة بهارات مشكلة
– القليل من خليط الماء مع زيت الزيتون والملح
– 5 أرغفة متوسطة الحجم من الخبز البلدى او الشامى

طريقة تحضير الحواوشى

اولا هنقوم باحضار طاسة ونضع فيها القليل من الزيت ونضع جميع المكونات السابقة وناخذ فى التقليب على نار هادئة الا ان نشعر ان اللحمة قد نضجت وتغير لونها وظهرت رائحة الخلطة , ونقوم باحضار العيش ونفتحه من على الجنب ونضع فيها بعض من الخليط الى ان نملأ الرغيف من الداخل بشكل معقول , ونلف العيش بورق الفويل ونضع فى الرفن عند درجة حرارة 180 وذلك لدة 20:25 دقيقة ونخرجه من الفرن ونخرجه من ورق الفويل ويقدم مع شرائح الطماطم والخضار او المخلل , وبالهنا والشفا .