وزير التربية والتعليم يعلن الخريطة الزمنية للعام الدراسي الجديد 2015/2016

حرام القرارات دى والله يا سيادة الوزير القرارات دى تنزل لما تكون مناهج الثانوية خفيفة وقليلة وحرام بردو ال 10 درجات انضباط وسلوك يعنى انا مطالب بالحضور كل يوم فى المدرسة اللى هى بتاخد نصف اليوم وبردو الامتحانات قريبة جدا 4\6 يعنى طلاب الادبى هيخلصوا تاريخ وجغرافيا وعلم نفس وفلسفة وطلاب العلمى كيمياء وفيزياء واحياء وجيولوجيا والمواد المشتركة بين القسمين العلمى والادبى لغاية 4\6 صعب المناهج تخلص والله وقرار 30% من الامتحانات ليست من المناهج بل تعتمد على تفكير المهارات العليا يعنى انا تفكيرى زى تفكير المستشار اللى بيوضع المادة دة محدش هيجاوب اى سؤال

مطلوب توزيع منهج العلوم المرحله الاعداديه والثانويه
2015 \2016

الرجاء من سيا دتكم توصيل رسالتنا واستغاثتنا للسيد رئيس الجمهورية بعد ماتعبنا من الشكاوى والتظلمات وماحدش سمعنا ولا التفت لينا ولا لمطالبنا فنحن الفائزات فى مسابقة ال30 الف معلم التى اعلن عنها سيادته العام الماضى فى عيد العلم حين اعلن عن تعيين 30 الف معلم ولكن الوزارة خالفت تعليمات الرئيس وحولته من تعيين لتعاقد ومن بداية المسابقة واحنا فى ذل واهانة وبهدلة لا يمكن ان تتصور حضرتك الذل اللى انا وغيرى شفناه من الوزارة من اول المسابقة ما بدات بسبب سوء التخطيط من الوزارة اللى جه علينا احنا وتحملنا كل ده وبعد ما ربنا كرمنا ونجحنا كانت الكارثة الكبرى وهى تسكين 11 الف معلمة خارج المحافظة التى تعيش فيها ومش اى محافظة دا اللى من بحرى رايحة قبلى وشمال سيناء واللى من الشرق رايحة الغرب والعكس وانا زوجة وام لبنتين وطفل عمره عام ومحافظتى هى الشرقية وتسكينى اسيوط وفيه من اسكندرية وتسكينها اسيوط وغيرنا كتيرو فيه ابعد من كده ولما روحنا الوزارة قالوا لومش عجباكوا سيبوها يعنى اما تشريد 11 الف اسرة اوالتنازل عن الوظيفة . احنا 11 الف معلمه منا السيدات والامهات والبنات : _ _

_ ازاي هنقدر نتغرب ونسافرونبعد عن بيوتنا واطفالنا واهالينا؟ ؟ ؟ ؟ ؟ ؟ ؟
-ازاي زوجه وام تسيب اطفالها وبيتها وتروح تعيش في محافظه تانيه وتشتغل فيها ؟ ؟ ؟ ؟ ؟ ؟ ؟ ؟
-ازاي زوجه وام تسيب اطفالها وبيتها وتروح تعيش في محافظه تانيه وتشتغل فيها ؟ ؟ ؟ ؟ ؟ ؟ ؟ ؟
-ازاي بنت اهلها يآمنوا عليها وهي مقيمه لوحدها في محافظه تانيه خالص ماتعرفش حد فيها ؟ ؟ ؟ ؟ ؟ ؟ ؟
-ازاي هنقدر ندي ونشتغل بضمير واحنا بعيد عن اهلنا ومتغربين ؟ ؟ ؟ ؟ ؟ ؟ ؟ ؟
11الف بنت وسيده بيمثلوا 11 الف اسره مصريه معرضه للانهيار والدمار .
وكلنا تعبنا واشتكينا وسلكنا كل الطرق وطرقنا كل الأبواب ولا حد التفت لينا ولمطالبنا احنا فعلا محتاجين الوظيفه دي وتعبنا في دراستنا واجتهدنا علشان نوصلها لكن دلوقت وبعد كمية الظلم دي مش عارفين نعمل ايه قدام اختيارين اصعب من بعض :
اما اننا نضحي بحياتنا وبيوتنا واسرنا او نضحي بوظيفه منتظرينها وبنسعى علشانها من سنين اتحرمنا منها بسبب الوسايط والرشاوى مع العلم ان معالى الوزير قال كثيرا ان الناس اللى نجحت دول هم الافضل والاكفء وانهم النواة لاولى لاصلاح العملية التعليمية وكانت مكافأ0ة النجاح ان الوزارة تعاقبنا وتسكنا فى محافظات تبعد عن محل اقامتنا بال 400و ال500 كم هى دى كرامة المعلم اللى معالى الوزير بيتكلم عنها .
فنرجو من حضرتك توصل صوتنا لسيادة الرئيس لالغاء الاغتراب وكل واحدة فينا تشتغل فى محافظتها رحمة باطفالنا وللحفاظ على بيوتنا ولتحقيق احلامنا لان اللى نجحوا فى المسابقة هم اعلى تقدير جامعى وايضا اعلى فى درجة اختبار المسابقة ولسيادتكم وافر الاحترام والتقدير