كل جديد تابعوه معنا على موقعكم مصر فايف ، تعددت طرق تقديم الفراخ مننها المسلوق والمقلى والمشوى والمتبل والبانيه ولكن اليوم اقد لكم اوراك فراخ مخليه محشية ارز وبصل وبسلة وجزر طعهمها زى الحمام بالظبط وبطريقة سهلة جدا، جربى كمان كبسة الفراخ طعمها رائع وسهلة جدا .
المقادير:.
** كوبان ارز
**زى ماتحبى بسلة وجزر بس الارز يكون كميتة اكتر يعنى حوالى 3/4 كوباية بسلة على جزر مستوييييين
**اوراك دجاج مخليه من 6-8 اوراك .
**بصلة كبيرة مفرومة.
**ملح وفلفل اسمر واى بهارات تحبيها .
الطريقة :.
تجيبى وراك فراخ وتخليها من العضم او تشتريها مخليه بس اورك فراخ كاملة مش شيش طاووك ، و تنقعيها في ميه و خل شويه و الحشو ارز و بصله مفرومه و ملح و فلفل و بسله وجزر وتقلبيهم كله علي بعضه و بعدين تفردى الوراك وتحطى شويه حشو وتلفيها زي السويسرول و تقفليها بخيط زي اللحمه البارده زي الشبكه كده بس متخليش لرز على الحروف علشان ميخرجش وتقفليها كلها، و بعدين تسلقيها عادى فى مية وبصلة وفلفل وورق لورو وتهدى النار عليها عشان تستوى بتاخد ساعه تقريبا و لما تطلعيها تفكى الخيط لانها بقت متماسكه وتحمريها فى زبده عشان لونها يبقى حلو ، وتقدميها مع بطاطس محمرة وممكن ملوخية بس هى تشبع لواحدها مع البطاطس وبالف هنا .
**** طعمها بيكون زى الحمام بالظبط وممكن تحشيها لحمة مفرومة وممكن لسان عصفور كمان ، ممكن تنقعى الرز شويه عشان يبقى سهل يستوى والجزر والبسلة طبها مستويين ، وكمان مش تحطى حشو كتير سيبى فراغ لان الرز لما بيستوى حجمة بيزيد ممكن كدا تفك كانك بتحشى كوسة او بتنجان بالظبط بتسيبى فراغ فيهم .