وزير الاتصالات يعلن عن بشريات للمواطنين بمناسبة عيد الفطر وتخفيض أسعار الإنترنت

يا ناس دى مش عيديه ابداً دى وصمة عار للحكومة.. للدرجة دى الحكومة مش قادرة على شركات النت وفى نهاية المفاوضات مابين الحكومة واصحاب هذه الشركات ان الشعب هو اللى ها يدفع الثمن ويخنقوا الشعب .. النت المحدود والمرتبط بسعة محدده مهما كانت هى اكبر خسارة للشعب واكبر مكسب لهذه الشركات التى تمص دم الشعب .. انا مثلا ها اشترك بسعه 10 جيجا على مدى الشهر ولما خلص الشهر رحت ادفع الاشتراك لقيت الشركة مزوده عليا فلوس تانى بحجه انى خلصت ال 10 جيجا واستهلكت اكثر فى حين ان هذا لم يحدث .. مين الصادق ومين الكاذب انا والا الشركه .. مش ها نلاقى ضابط لهذا الامر ولو ما دفعتش زى ماهم بيقولوا ها تنقطع الخدمة واللى هايقولوا عليه فى استهلاكك هو طبعا الصادق .. شغل سرقة سرقة سرقة للشعب .. الحكومة الفاشلة كانت عايزة تنزل الاسعار وماقدرتش على الشركات فوصلوا فى النهايه لهذا الاتفاق الخسيس اللى فى صالح هذه الشركات وليس فى صالح الشعب ابدا بل هو يخنق الشعب .. والدليل على هذا ان بتوع تى داتا كانوا بيتحايلوا عليا انى اغير من نظام 512 الغير محدود الى نظام الطلقة وكل شوية يتصلوا بي لان هذا فى مصلحتهم ورديت عليهم اكتر من مره بسبب رفضى ” لانكم حراميه ” لاننى قبل كده كنت مشترك بسرع 256 المحدوده ب 2 جيجا اللى كانت ب 45 جنيه وفوجئت وانا مسافر ان الفاتورة عليها زياده .. اثبت بقى لوتقدر فاضطرت لتغيير الى سرعة 512 الغير محدوده وب 95 جنيه فى سبيل انى ما أتسرقش كده ، فهمتوا ليه ان السرعات المحدوده دى اكبر نصب واحتيال وسرقة للشعب ، كلنا معاك يا سيسى وعلشان كده خايفين عليك وبنقولك خلى بالك من الوزراء اللى حواليك .. بعد ما أخدنا قلم جامد بقانون العاملين الجديد المشئوم ناخد قلم تانى .. ياريس الناس دى ها تورطك وها توقعك .. اتعلم من حسنى مبارك كان بيسأل خبراء كتير قبل ما يوقع على اى قانون .. ارجوك خلى بالك من اللى حواليك .. واضح ان كل واحد من الوزراء عايز يجيب فلوس وبس لكن مش على حساب الجبهه الداخليه كفايه اللى بيحصل فيها من اعدائك ماتزودش اعدائك .. خلى بالك

وياريت الشركات تبطل نصب يعنى تبطل تقسم السرعة مع المشترك
انا عندى 1 ميجا من تى داتا وعندى برنامج بيكشف السرعة الحقيقية اللى وصلانى واتضح انها 512 على اسم 1 ميجا حرام عليكو !!!!!!!!!!!!!!!!!!!!!!!!!!!!!!!!!!!!!!!!!