بالفيديو.. عمر جابر لمرتضى منصور: أنا مبخافش منك

استضاف الإعلامي وائل الإبراشي، عمر جابر، لاعب نادي الزمالك، الذي رفض لعب مبارة النادي مع إنبي، بسبب سقوط شهداء من رابطة الوايت نايتس، وروى جابر الأحداث، موجهًا رسالة إلى المستشار مرتضى منصور رئيس نادي الزمالك قائلا “انا مبخفش منك انا بحترمك علشان في عمر والدي ورئيس النادي الذي انتمي اليه”.

وروى الأحداث قائلا “مكنتش اعرف إن القرار ده صح ولا غلط، بس الحمد لله طلع صح، الاعيبة والجهاز الفني قعدوا يتحايلوا عليا قولتلهم انا مش هقدر ألعب الماتش، جربت العب في التسخين، ومقدرتش العب، جهزت ونزلت الملعب، حاسس اني في كابوس، كنت دايخ ونفسيا مش قادر ألعب”.

وعندما سأله وائل الأبراشي هل وصلك إتصال أو رسالة بأن هناك شهداء سقطوا، قال جابر:”أنا لما شفت الناس بيتحايلوا علينا قبل ما ندخل بيقولوا لنا متلبعوش، وكانوا بيهتفوا بأسمي بالتحديد، لأني بحبهم وبحب النادي، وأنا مكنتش عايز أعمل بطل”.

وأكد جابر أنه سيتواصل مع باقي اللاعبين للتوجه جميعا لأسر الشهداء وايت نايتس و تقديم العزاء لهم.