من داخل لجان الامتحان : ماذا قال الممتحنون فى مسابقة المعلمين وتجارب المتقدمين للإختبارات ومستوي الأسئلة

فى الوقت الذى يجتهد فيه المتقدمين لامتحانات مسابقة وزارة التربية والتعليم للحصول على أى معلومات جديدة بخصوص المسابقة.

فإننا نعرض لكم ما يتوافر لدينا عن تجارب المعلمين الذين تقدموا للامتحانات وماذا قالوا عن الاختبارات واللجنة ومستوي أسئلة الامتحانات التربوي والكمبيوتر والانجليزي.

– احدى صديقات الموقع : “انا امتحنت امبارح انا من الغربية والنلس اللى كانوا من المدرسة اللى امتحنت فيها متعاونين جدا اما بالنسبة لامتحانات فالتربوى اسئلة محيرة جدا كل الاجابات شبة بعض والانجليزى سهل جدا اما الحاسب الالى مكتوب  بالعربى ولكنة صعب انا جبت فية 17 من25”

– بينما ذكر أحد الممتحنين تجربته فقال : “أنا بدأت بامتحان التربوي وكان أسيئلة عادية زى الموجودة على النت وجبت 10 من 12 لأنهم 13 سؤال – بعد كده الانجليزى كان سهل لكن للأسف حصل عطل للأجهزة عند معظم الناس والكمبيوتر كتبلنا اننا جبنا صفر لأننا تعدينا الوقت المحدد – الامتحان الثالث الكمبيوتر كان صعب جداً ومش فاهمين منه حاجة وانا جبت 10 من 25 درجة ، وتمت اعادته مرتين بسبب الأعطال – المهم ان المسئولين فى اللجنة خلونا نكتب ورقة شكوي وقالوا هيعيدوا الامتحان تانى بعد ما الكل يخلص.

– ذكر صديق لصفحتنا على الفيس فقال تجربته : “يا جماعة زاكروا فى الحاسب الوورد والانترنت وشوية هاردوير ومحتويات الذاكرة والكمبيوتر عليه 25 درجة – الانجليزى سهل وتافه مستوى 5 ابتدائي – الأوراق اللى خدتها معايا المؤهل والبطاقة والتربوي – الامتحان مدته 45 دقيقة وانت بتختار تبدأ بإيه وبعد ما تخلص بتعمل submit وتدخل على الامتحان اللى بعده ، وكل امتحان بتخلصه بيظهر نتيجته مباشرة – الأسئلة كلها اختيارى بالعربى ما عدا الانجليزى طبعا بالانجليزى – اللجنة متعلق عليها كشوف بالأسماء وبيكون المراقبين معاك وبيوروك كل حاجة – ومفيش اجهزة بتهنج ولا أعطال، والناس المسئولين عن المعمل اكتر ناس تعبت النهاردة وربنا يوفقكم وتنجحوا ان شاء الله”

ونرجو من كل من أدي الاختبارات فى الأيام الماضية أن يكتب لنا تجربته فى الامتحان فى التعليقات أسفل الموضوع حتى يستفيد كل من لم يدخل الاختبار بعد.

تحديث السبت 29 نوفمبر :

استمرت اختبارات المسابقة على مدار الأسابيع الماضية، ومن المتوقع أن تستمر حتى نهاية شهر ديسمبر بإذن الله.

حيث تستأنف غداً باقى المحافظات فى اختبارات المرحلة الثالثة، التى تستمر حتى يوم الخميس 4 ديسمبر، لتبدأ بعدها المرحلة الرابعة من يوم السبت المقبل 6 ديسمبر 2014 باختبار باقى الممتحنين.