اليكم قرائنا الكرام طريقة جديدة لعمل المهلبية وذلك بخلطها بالجيلى ، المهلبية اكلة مميزة وممتعه للكبار والصغار ومغذية جدا ولها عدد من الطرق منها بالموز او بالمكسرات وغيرها واليوم نقدمها لكم بالجيلى بالمقادير والخطوات ونرجو ان تنال اعجابكم .
مقادير المهلبية:
4 ملعقة كبيرة سكر
4 ملعقة كبيرة نشا
4 كوب لبن
مقادير الجيلي:
علبة صغيرة جيلي فراولة
علبة صغيرة جيلي برتقال
2 كوب ماء
الطريقة:
1- الجيلي: بإنك تدوّبي كل نوع جيلي دوبيه فى كوب ماء مغلى ف وحطّيهم في صينيتين، ودخّليهم الفريزر علشان يتماسكوا.
2- لتحضير المهلبية،اغلى اللبن وبعدين ضيفى السكر والفانيليا ودوبى النشا فى ميه او لبن ولما اللبن يغلى هدى النار وابدئ ضيفى النشا وانت بتقلبى بسرعه لحد ماتربط ولو انتى فى الشتا متخليهاش تربط قوى لان الجو هيخليها تمسك
3- قطّعي الجيلي بألوانه المختلفة على شكل مكعبات، وحطّي نصف كمية الجيلي في كاسات التقديم الشفافة، وبعد كده صبّي عليها المهلبية الساخنة، هتلاحظي إن مكعبات الجيلي بدأت تسيح شوية، لكن مش هتدوب تماما، وبعد كده حطّي الكاسات في الثلاجة علشان المهلبية تتماسك.
4- طلّعي الكاسات من الثلاجة، وضيفي عليها مكعبات الجيلي الباقية عندكوبالهنا والشفا.