أعرب الإعلامي تامر أمين عن حزنه مما حدث للطفلة جنة، ذات السنوات الخمس، التي تعرضت للتعذيب على يد جدتها، وذلك خلال حلقة الأمس من برنامج “أخر النهار” المذاع على قناة “النهار” الفضائية.
فعلق أمين قائلا “رغم غن القصة مؤسفة ومأساوية بس أنا مبسوط بتداعياتها، جنة طفلة تم ممارسة كل أنواع البشاعة والقسوة واللإنسانية ضدها، وللأسف كل هذه القسوة من أهلها، شيء صعب إلى أصعب الحدود”.
وتابع أمين قائلا “أنا سعيد بإن المصريين لسه ضميرهم ورحمتهم وفؤادهم لسه عايش، الشعب المصري، والمجتمع المصري منتفض للقصة دي، وفي حالة من حالات الحرقة على الطفلة جنة، كل واحد حاسس إنها بنته”.
وأكمل أمين قائلا “أنا واحد من الناس وأنا بتابع القصة قلبي بينفطر، ولو شفت خالها أو جحدتها ممكن أتصور قتيل أو ارتكب جريمة، لأنه بصراحة مين يقول إن الملايكة يتعمل فيها كده، مين يقول إن البراءة والطهارة والعفة يحصل فيها كده، الأطفال في السن ده بيبقوا حاجة طاهرة إلى أبعد الحدود”.
وأضاف أمين قائلا “لما ربنا ينزع الرحمة من قلب أهلها، وأمها كمان مسؤولة، لأنها تجردت من كل مشاعر الأمومة من أجل النفقة، والفلوس، اللي حصل لها زي اللي بيحصل من الوحوش، رغم إن الحيوانات أرحم من كده، دي أم وخال وجدة عايزين الحرق”.
واستطردت أمين قائلا “جنازتها كانت مهيبة، الناس متعرفش جنة، بس كانوا ماشيين يترحموا على الرحمة اللي ماتت في قلوب الناس، كلهم ماشيين بيهتفوا بأس ذنب قتلت”.
شاهد الفيديو…
https://www.youtube.com/watch?v=iE6EMrgw5tM