قال المستشار ” تركي آل شيخ” رئيس هيئة الترفيه بالمملكة العربية السعودية ومالك نادي بيراميدز، حيث سرد ” حدوته” بشأن لاعب طلب عشرة جنيهات من أجل تجديد عقده.
حيث كتب ” آل شيخ” من خلال تدوينه له على موقع التواصل الاجتماعي عبر صفحته الشخصية على الـ” فيس بوك” قائلاً: ” نجم فريق كرة قدم كان سعيدا وبيسعد جمهور فريقه انتهى عقده، وطلب ١٠ جنيه راتب عشان يجدد لكن اتقاله لأ”.
وأوضح ان بعدها اشتروا لاعب ليس في المنتخب وأعطوه راتب 15 جنيهاً ، ثم عاد اللاعب الذي كان يُسعد الجمهور مع فريق منافس وفاز عليهم مرتين قائلاً: ” وبعدها بشهور يروحو جايبين لاعب مش في المنتخب ويدوله راتب ١٥ جنيه، وتلف الدنيا ويرجع اللاعب اللي كان بيسعد جمهوره ويهزمهم مرتين”.
وأشار ” آل شيخ منتقداً الإدارة قائلاً: ” يبقى ده مش إدارة أو سيستم ده بيزرعو فجل”، والجدير بالذكر أن تلك التدوينه جائت بعد فوز فريق نادي بيراميدز على النادي الأهلي بهدف دون رد.
وجاء في نص المنشور الذي كتبه ” تركي آل شيخ”..
نجم فريق كرة قدم كان سعيد وبيسعد جمهور فريقه انتهى عقده وطلب ١٠ جنيه راتب عشان يجدد لإن ده آخر عقد ليه وهو لاعب دولي كبير وعاوز يئمن مستقبله يتقلو لا لإن عندنا سقف للرواتب فيروح يدور على مستقبله فيقولوله بمساعدة صديق (مش أنا) ارجع إحنا موافقين ويطلعوه بعد ما يمضي بساعات ويقولوله رجعنا بكلامنا ويروح وتلف الدنيا وبعدها بشهور يروحو جايبين لاعب مش في المنتخب ويدوله راتب ١٥ جنيه ولاعب تاني برضو مش في المنتخب وليه سنة في الدكة ويدوله في ٦ شهور ٢٠ جنيه يبقى ده مش إدارة أو سيستم ده بيزرعو فجل (طبعا أنا بقصد واحد) وتلف الدنيا ويرجع اللاعب اللي كان بيسعد جمهوره ويهزمهم مرتين.. ربنا كبير.. آه افتكرت كان خايف إني أخد منه اللقطة.. سبت ليك اللقطة بس طلعت بدون ألوان.. وعجبي”.
